CyberCTM專欄 - 寂然手作仔

廣東再收緊自由行訪澳，由“一月一簽”改為“兩月一簽”，澳門人，前面條路，究竟會點?

做人，幾時都係要靠自己，點解老闆要養你一世，點解唔諗諗自己有咩本事有咩議價能力，如果澳門個個人都係諗住一份工做一世，永遠無風無浪，咁一來真係好悶，二來邊有咁著數呢，唔好發夢，好景不常在，經濟會收緊，裁員隨時來，怨人，不如諗諗自己有幾多斤兩先啦，幸福唔係必然呀!

澳門越來越亂，其他唔好講，只講交通情況同路面，日日都令人火滾，點解一個咁細嘅地方會有咁多掘路工程，點解好多地方整完又整，有d地方失驚無神又整，有d掘開咗封哂路之後就無人整，如果有心人打開張澳門地圖做吓記號，一定會發現澳門大部分交通要道現在都掘開哂整緊路，究竟呢d事有無規劃?有無人管理?係唔係任掘唔嬲?掘開之後係唔係唔使負責任?一件小事，你已經可以睇到小市民嘅地位係幾卑微，成千上萬小市民日日受掘路影響，但係從來無人會諗辦法改善，我哋見到嘅情況只係一日差過一日。

交通不便令人心情煩躁，信心或者能力不足令人活得不安，自由行收緊，旅遊業同零售業都有危機，裁員威脅，澳門人，前路真係難行，點先可以快樂?

新聞有時極具幽默感，今日打開報紙頭版，左邊係銀河娛樂冠名贊助女排大獎賽嘅醒目廣告，真係可喜可賀；但係同一版嘅右邊，竟然又係銀河嘅新聞，大字標題係：銀河裁270賭場員工。呢件事一定會引起社會一番爭論。喺冠名贊助與大幅裁員之間，喺澳門嘅美好前景同殘酷事實之間，澳門嘅現實，真係越嚟越超現實。

對於呢件事，網民眉間尺嘅反應簡直快過打針，昨晚佢老兄已經在其blog內貼出文章回應此事，有興趣嘅朋友可按這裡看看。

據眉間尺介紹，未來澳門仲會開好多間酒店同賭場，一睇真係嚇一跳，唔信你睇睇：

酒店

City of Dreams 夢幻之城娛樂場

Conrad Hotel @ Las Vegas Sands 路氹城澳門港麗酒店

Cosmopolitan Hotel @ Las Vegas Sands 路氹城澳門麗都酒店

Crown Towers @ City of Dreams 新濠天地度假村澳門路氹城皇冠酒店

Dorsett Hotel @ Las Vegas Sands 路氹城澳門洲際酒店

Fairmont Hotel @ Las Vegas Sands 路氹城澳門Fairmont酒店

Four Seasons Hotel & Casino @ The Cotai Strip 路氹城澳門四季酒店

Galaxy Mega Resort 氹城銀河大型娛樂場第

Grand Hyatt Twin Towers @ City of Dreams 新濠天地度假村澳門路氹城君悅酒店

Hard Rock Hotel @ City of Dreams 新濠天地度假村澳門路氹城硬石酒店

Hello Kitty “Themed Resort”

Hilton Hotel @ Las Vegas Sands 路氹城澳門希爾頓酒店

Holiday Inn Macau @ Las Vegas Sands 路氹城澳門假日酒店

InterContinental Macau @ Las Vegas Sands 路氹城澳門洲際酒店

Kerry Properties Project

Macau (Harrah’s) Country Club

Macau Studio City

MGM Grand Cotai

Raffles Hotel @ Las Vegas Sands 路氹城澳門柔佛士酒店

Ritz-Charlton @ Macau Studio City

Shangri-La Hotel @ The Cotai Strip  氹城香格里拉酒店

Sheraton Hotel @ Las Vegas Sands  路氹城澳門喜來登酒店(全球最大)

SJM/STDM Project

StarWood Hotel @ The Cotai Strip

St. Regis Hotel @ Las Vegas Sands路氹城澳門瑞吉紅塔酒店

Tang Hotel @ Macau Studio City 澳門星麗門Tang酒店

 Traders Hotel @ Las Vegas Sands 路氹城澳門商貿酒店 W-Hotel @ Macau Studio City

Wynn Cotai 永利路氹城

娛樂場
 

 Arc de Triomphe 凱旋門娛樂場

Level of Fortune 如意坊娛樂場

Casino de Mississippi 密西西比角子機娛樂場

Nam Van Lake Casino Project 信德集團南灣湖發展項目

Nra Mocha 新摩卡角子機娛樂場

Oceanus 海洋之神項目

Pearl Room 明珠坊 娛樂場

Trinity MacauTaipa Island Casinos Under Construction/Development (2 Projects)

Nova de Taipa Casino 濠景花園 娛樂場

我唔知你睇完以上個名單會有咩反應，我更唔知道澳門嘅博彩業同人力資源有咩問題，不停有人唱好係事實，昨日有270人被裁都係事實，仲有好多新場將會開幕都係事實呀，喺財源滾滾同裁員火滾之間，澳門人何去何從？我哋嘅問題，又會唔會只係裁員270人咁簡單？之後仲會發生咩事，我唔敢諗，你呢？睇完呢d新聞，你會諗到咩呢？

今日另一單新聞係大批外地人士返回澳門爭做澳門人，皆因政府派五千蚊真係吸引，唉，呢個地方真係好有幽默感呀！

延伸閱讀

班長手記：解僱　

睇嘢唔好睇表面，睇報紙唔好只睇標題。好似今日關於廉署嘅新聞，有報紙話：”廉署去年主動跟進案件大增”，但係同一則新聞，另一份報紙就話：”廉署關注廉潔指數下跌”。如果只睇標題，係可以接收到完全唔同嘅訊息，所以將報紙對比嚟睇確係幾得意。

另一件得意事又係發生喺廉署嘅報導中，另一則新聞標題：廉署年報詳述破歐案經過，嘩，好勁呀！破大案呀！不過，咪住，睇清楚先，尚未失憶嘅澳門人都應該記得當時公佈件案係點破嘅，大家睇到呢個新聞標題，會唔會心中出現一個疑問：揭發事件叫做破案？原來跟進事件都叫做破案？我唔知邊種先係真正嘅破案，我都好想知道個真正嘅答案，不過喺呢個只有立場，沒有真相嘅年代，我哋小市民又可以知道幾多呢？

正如喺“廉署年報詳述破歐案經過”的報導中，有以下一段文字：“年報叙述，二○○五年期間，廉署開始調查歐文龍貪污涉及的相關公司和人士，期間曾搜索、調查帳冊和一系列分析工作，懷疑相關人等涉及龐大經濟利益。但深入調查後，發現涉及的可疑金錢都是經本澳銀行匯到海外交易，基於廉署調查權受到管轄地域的限制，無法掌握匯款確實最終地點和收款人身份，導致當時難以追蹤幕後者身份。後來的調查證實，歐文龍在英屬處女島成立了大量空殼公司，並透過迂迴途徑收受賄款和逃避執法部門調查。”係呀，你無睇錯係2005年，真係佢唔講大家都唔知，原來廉署2005年已經開始調查歐文龍，現在見到佢哋喺年報嘅呢番剖白，大家應該讚揚佢哋保密功夫做得好，查到2006年12月先拉人?定係應該問吓點解唔早d採取行動，為咩要等到香港方面有情報來才可以動手呢?如果2005年已經拉到個巨貪，可能之後嘅撥亂反正工作可以做得更好。如果2005年已經拉到個巨貪，好多事情嘅發展方向都會同現在唔同。我認同廉署的反貪工作，我覺得佢哋如果將工作做得好就個個都係英雄，不過睇完呢d關於佢哋嘅報導，我真心嘅意見係：有大案，早d查，早d講，澳門嘅明天先會更好呀。

做義工，講比人聽就滿腔熱誠，自我感覺又可以非常良好，不過最終係去幫人定係自己都要人服侍，就真係做過先至知。

今日明報報導：“北京奧運在全球共錄用10萬名志願者，包括今年初透過民政事務局在港招募，吸引7300人申請，最終近400人獲取錄；本港志願者將分派至10個不同場館，並規定必須入住指定大學宿舍，不少志願者均對宿舍衛生及治安表示憂慮，擔心要2至6人住同一房間、沒有空調，以及使用蹲廁會非常不便……有志願者有感宿舍環境欠佳，要求民政局為港志願者安排特別住宿，也有人詢問可否自費租酒店住。”

呢班香港義工，都未為北京奧運作出任何貢獻，已經要求多多，義工住大學宿舍，有咩問題先，你又係人，大學生又係人，大學生平時住嘅地方，點解安排義工入住就會有憂慮。我相信呢種安排都係為咗方便義工去所服務嘅場館工作，如果個個都住酒店區，咁京城又邊有咁多酒店呢?

至於話“擔心要2至6人住同一房間、沒有空調，以及使用蹲廁會非常不便”，就更加搞笑，國內數以億計同胞都係咁生活架，咁有咩問題先，去一個地方做義務工作就一定要接受同尊重當地生活方式啦，又係你地自己要去北京做義工，呢d都真係預咗架啦，唔通香港義工就要特別安排得好d，大會一視同仁嘅安排，更加體現運動會公平同香港同胞與祖國無分彼此呀，如果咁都接受唔到，就應該好好諗吓自己係為咩報做義工啦，係為咗分享奧運成果，為咗威，為咗貪過癮，為咗趁熱鬧，抑或真係為咗貢獻奧運呢？如果真係想貢獻，應該明白義工唔係VIP，你越多要求，大會的工作量就越大，都未正式埋位就呱呱叫，到真係做嘢時會做成點，真係值得期待同觀察。

隔離埠班少爺兵未出發已經反映出自己嘅“素質”，唔知其他地方嘅義工又會點呢？

明報：港京奧志願者憂住宿

近期最精彩的文章，當數梁文道先生的除了大局，還有歷史—與余秋雨先生共勉，精彩之處，在於觀點清晰，極具勇氣，還有作者對知識份子心理了解得入心入肺，對某些人的虛偽踢爆得頭頭是道。

尊嚴和面子往往令有權有勢者以離奇方式辦事，又有馬屁文人為其掩飾掩護，呢種事諗落係幾可恥，通常一個地方爆出大件事，群情激憤嘅時刻，就會有人出來打圓場，叫大家為大局著想，可能打圓場嘅人真係想為大局著想，又可能佢想為被批評嘅人解圍，但真正可怕嘅係一句叫你為大局著想就將發生喺你身上嘅問題當成無問題，咁係叫無為人著想，未必真係對大局有利。其實針唔拮到肉係唔知痛，旁觀者又怎能僅僅為了一個空泛嘅大局而叫人忘記痛苦，甚至放棄權利呢?

我希望澳門有更多讀者讀到這篇文章，當下一次有人跑出來說要為大局著想時，大家可以衡量對方真係為大局定係別有圖謀。

“邊個話澳門人唔聰明，接受過老千訓練之後，再個莊荷串通賭客贏咗賭場幾百萬。”

“咪係，又要洗牌變速度又要偷睇同記得d牌，仲要通知同黨，兼且成功咗幾個月，難度真係好高，不過事成分得兩成，真係唔公平。明明成個佈局個莊荷係主角，點解分得咁少？”

“依家真係做主角啦，一個月賺六十幾萬都唔收手，賭場同警察咁快破案收工，呢班賭業天才恐怕可以在監房一展所長，繼續磨練賭術。”

“d老千集團吸納賭場臥底究竟係用咩準則呢？你估係要記性好、出手快、熱愛賭博，定係唔怕死？”

“傻啦，先決條件係等錢洗呀，唔係等錢洗，邊個夠膽務咁大危險先？”

“或者有d人鐘意挑戰高難度，明知成個賭場都係攝影機，都有本事串通賭客贏錢，對某d飽受壓抑嘅人嚟講會有好大滿足感。”

“唔係啩，呢d邊算有滿足感呀，賭場之外，仲多眾目睽睽予取予攜嘅超級大鱷啦，好多嘢你明知唔對路都吹佢唔漲呀，有志氣嘅澳門人應該將眼光放大d。”

“澳門賭場有老千都唔係今時今日先出現，你估下一次又會有咩新花樣？”

“比你知道就即係失敗咗啦，失敗咗嗰d係叫犯人，唔係叫老千，老千係你捉佢唔到，搞佢唔掂，唔知佢係邊個，呢d先係最高境界呀！”

“唓，你講到咁恐怖，好似真係有好多老千咁，澳門邊度有咁多又大膽又醒目嘅人呀！”

“咁又係，好多傻仔以為自己做咗老千，點知無幾耐都轉咗行做犯人，認真搞笑。”

今日報章頭條:兩莊荷三晉漢涉串謀出千

問：你贊成加人工嗎？

答：加人工當然係好事啦，我哋依家士氣好低落呀，工作壓力又大，加咗人工之後一定會士氣大振，無哂壓力。

問：你係唔係保證加咗人工之後就唔會再做錯事，唔會再比人鬧？

答：加人工還加人工，做錯事還做錯事，請你唔好將兩件事混淆。問題嘅重點係我做咩事都有機會比人鬧，咁加我人工我比人鬧多兩句，我會覺得d人鬧得有道理囉。

問：你認為自己的貢獻同所收薪酬成正比嗎？

答：人才難求，青春無價，我哋d工作係唔可以量化，我哋嘅貢獻亦都真係好大，出面班友個個以為自己好勁，其實比佢坐我個位，可能仲大件事呀。

問：咁點解你仲要做落去，做到唔開心時，有無考慮過轉換環境？

答：你唔好玩我啦，我有今日咁嘅地位真係唔係一朝一夕，就算係一張廁紙一條底褲都有佢本身價值啦，係咪先，所以我真係好想貢獻自己嘅力量，為個社會做多d事呀。

問：如果無人工加，會唔會影響你為社會做多d事嘅熱情呀？

答：咁梗係唔會，我哋唔係真係為錢架，為使命感，同埋我一個人有貢獻，我全家都光榮呀，我哋本身都夠食夠住，真係唔係為錢。

問：咁係為咩呢？

答：為理想，為抱負，為報答社會對我嘅支持同期望，為我嘅同事…….

問：即係可以唔加人工？

答：咁又唔係，你要明白我哋好大壓力，士氣又好低落……

問：點解來來去去都係呢d 原因?

答：你問第二個啦，我好大壓力呀！

如果你對以上寫的有同感仲笑得出，我估計加人工可能無你份，從來唔敢質疑人性的偉大，但千祈唔好睇小人性的陰暗面。我們都只是冷眼旁觀的一分子，冷眼看世情之後，不妨再加幾聲冷笑。

哎呀，澳門人真是越來越難服侍。

可能是真的，但你自己看看，通漲那麼高，交通那麼亂，環境那麼易被破壞，外來人士又那麼多，公共空間那麼擠迫，總而言之，從前覺得好的，現在變得差了，從前感到差的，目前變得更差。

可是，為什麼會這樣呢？是社會的錯？是大家的錯？我們永遠可以怪責他人，如果連怪責的心情都沒有，那就更恐怖了，死心了，絕望了。

澳門人難服侍，但問題是有沒有人真心服侍過這些人呢？以民為本是一個口號還是確切在執行，相信大家心中有數。其實澳門人並不貪心，一旦有要求也不算無理，只是那種以民為本的方式從來只是踢一腳動一動，那種服侍人的態度又時時慢半拍很被動。

其實看看近日各地的新聞，不難發現澳門的風光不是永遠存在的。四川地震後，可能影響國人出遊意欲；國內收緊來澳自由行，不可能對澳門的經濟沒有衝擊；政府調控賭業發展，本來已經光怪陸離的人力資源情況將如何理順？台海直航似事在必行，澳門會不會受影響？怎樣應對？還有禽流感在鄰近地區爆發，國際油價高企，金融風暴有傳可能捲土重來，這些外圍因素在在都有機會令澳門那些溫馴的人變得更難服侍。

難服侍的澳門人，其實一直停留在民生訴求的最基本層次。換個角度看，這樣的難服侍也無意中掩飾了更多更難處理的問題，當最近國內外其實面對著種種有可能影響經濟的重大問題，澳門人議論紛紛的是如何領取政府派的五千元，老人家三毫子乘一程巴士又如何可以做得更好，天真如此，澳門人又怎可說是難服侍呢？說到底，澳門人是很寬容，很單純，很善良，而且善良得很可愛的。

在網上閒逛，見到這本名為“情繫新橋坊”的書，有一種說不出的親切感，很想向大家推薦這本書。

我尚未讀過此書，跟編者林發欽先生也不相識，覺得這本書親切，純粹因為這是一本澳門老街坊的口述歷史，這本書訪問了三十位平均年齡七十歲的新橋老居民，讓他們來訴說自己的新橋故事。

根據維基百科說：“口述歷史是一種搜集歷史的途徑，該類歷史資料源自人的記憶，由歷史學家、學者、記者、學生等，訪問曾經親身活於歷史現場的見証人，讓學者文字筆錄、有聲錄音、影像錄影等。 之後，作為日後學術分析，在這些原始記錄中，抽取有關的史料，再與其他歷史文獻比對，讓歷史更加全面補充、更加接近具體的歷史事件真實。”

近年澳門人的城市自覺強了很多，我們會在乎澳門的文物，會在乎澳門人的身份，會在乎有些活動中是不是以澳門人為主。然而，有時候這種城市的自覺往往有熱情而缺內容，對比起香港主流媒介不時強調的香港人勤奮精神，香港人賺錢至上，香港人在獅子山下有很多故事，澳門的歷史故事動輒講到中西文化交流等重大事件，這就來得不夠貼身，不夠生活化，不夠令人投入了。

因此，我覺得口述歷史除了具有“讓歷史更加全面補充、更加接近具體的歷史事件真實”的功能，更可以讓澳門人讀了之後產生更大的歸屬感，更多的感情，愛澳門也愛得有根據，更有條理。我在網上讀到此書的編後語，更驚喜地發現協助錄影、錄音、拍照和記錄都是來自澳大、理工和旅遊學院的一批學生研究員，這讓我感到這項計劃具有更重大的意義，因為這是一種教育，這種教育會讓年輕人更愛澳門的，無論如何，這都是好事。

這本書集中採訪新橋區的老居民，我想一定有他們的原因和意義，不過其實澳門各區都有值得做口述歷史逼切性，有些特定的事件，例如“一二．三事件”又例如“抗戰時期的澳門”，又或者某些已消失或接近消失的澳門行業史，例如“炮竹業”和“造船業”等，其實都是可以開展，值得開展的題目。真的希望這些有心人會再接再厲，把屬於澳門的故事和經歷都記載下來，讓下一代知道更多曾經在澳門發生過的，值得記下來的事情。我會盡快去買這本書的，也向大家推薦此書，希望越來越多人會重視和喜歡口述歷史吧！

延伸閱讀
林發欽：情繫新橋坊編後語
林發欽：鄉土故事

煲稀小脂:別濫用社會共識

你覺得澳門人對什麼事有社會共識，對什麼事會沒有社會共識?我們的共識應該透過什麼方式表達出來?我們的共識，什麼時候才會回到我們手上呢?一個簡單的問題:社會共識誰說了算?

眉間尺:澳門樓價~誰測得準?

很久沒有看報紙的樓市分析了，事實上連地產版都不敢看了，因為那些報導和廣告都脫離了我的現實，反正在樓市高企的今天我是沒有資格“妄想”買樓的，唯有採取眼不見為乾淨的措施。今日時運高，讀到這篇分析，也就不妨與各位未買樓的朋友分享吧！

聞見思錄:Euro08來了

聞說車路士７月來澳，不知是否全隊都來，有待主辦單位公佈吧！不過近來真正令人關心的，當然是歐洲國家盃，聞見思錄的作者已經做了預測，大家覺得分析得如何，命中率有多高呢？

韓寒:不要動不動就舉國暴怒

我平時很少讀韓寒的文章，但讀了這一篇之後，我覺得他很不錯，比較理智，也有膽量，不簡單呀！